Waxaad doorataa qaabka kuugu wanaagsan ee ka hortagga uurka iyo marxalada nolosha. Qaabka ka hortagga uurka waxay isbeddel kartaa muddada noloshaada. Way wanaagsantahay in la garto qaababka ka hortagga uurka jira iyo waxay yihiin su'aalaha aad naftaada waydiinayso marka la dooranyo qaabka. Aday ku jirtaa inaad doorashada samayso. Dhakhtarkaagu sidoo kale waxa uu kaa caawin karaa inaad doorato.
Si loo doorto qaabka ugu wanaagsan ee ka hortagga uurka ee adiga kugu habboon, waydii naftaada su'aalaha soo socda:
- Imisa jir ayaan ahay?
Haweenka dhalinta yar aad ayay u yihiin kuwa rima. Waa muhiim in la doorto qaab la isku halayn karo. - Ma ilow badanahay?
Shaqo ma qabtaa saacadaha aan caadiga ahayn?
Miyaan haystaa nolol mashquul leh?
Waa inaad xusuusataa inta badan marka la isticmaalayo qaababka qaar ka mid ah ka hortagga uurka. - Inta badan miyaan beddelaa lamaanaha?
Khatarta ah qaadida STI way saraysaa haddii adiga, aad beddesho lamaanayaasha inta badan. Ka ilaali naftaada STI. - Miyaan keliya sameeyaa galmada marmarka qaar?
Waxaad isticmaashaa kondhom, kondhomka dhediga ama shayaga xanibida ah keliya wakhtiga aad doonayso inaad galmo samayso. Hubso sidoo kale inaad ku haysato kiniinka degdega ah ee ka hortagga uurka (kiniinka subaxda ka dambeeya) xaga guriga. - Sigaarka ma cabbaa? Miisaankaygu ma wayn yahay?
Qaabka ka hortagga uurka ee ka kooban hormoonada, wixii halis caafimaad ah way ka sareeyaan haddii aad sigaarka cabto ama miisaankaagu badanyahay. - Xaaladayda dhaqaalahu ma adagtahay?
Qaababka qaarkood ee ka hortagga uurka way ka yar qiima jaban yihiin kuwa kale. - Diintaydu ma sheegtaa wax ku saabsan ka hortagga uurka, oo tan ma ii muhiim baa?
- Ma doonayaa in lamaanahayga ama qoysku inay ogaadaan wax ku saabsan qaabkayga ka hortagga uurka?
Qaabka qaar ka mid ah ka hortagga uurka lama arki karo. - Ma doonayaa dhiiga caadada (dhiig baxa) inuu sii socdo? Ma jeclaan lahaa inaan yeesho wareeg caadi ah?
Qaababka qaarkood ee ka hortagga waxay kaa caawin karaa wareegaaga inuu noqdo mid aad u caadi ah. Qaabka kala ee ka hortagga uurka, muddada dhiigaaga caadada waxay noqon karaan kuwa aan caadi ahayn oo xataa waxay joogsan karaan wakhti ka dib. - Ma daneeyaa in dhakhtarku u baahanyahay inuu ku muddo aama geliyo qalabkayga dawada ka hortagga uurka ah.
Qaababka qaarkood e eka hortagga uurka waxaad u baahantahay caawimada dhakhtar, kuwa kalana uma baahnid.
Waydii xirfad yaqaanka caafimaadka wixii talo ah. Sidoo kale kala hadal lamaanahaaga. Labbada lamaane waxay wadaagaan masuuliyada ka hortagga uurka. Waxaad u tegi kartaa xirfad yaqaanka caafimaadka.
Haddii aanu qaabku kugu habboonayn adiga, waxaad dooran kartaa mid kale. Tusaale ahan: haddii aanad dareemin jidh ahaan si wanaagsan, waxaad leedahay saamaynta aan wanaagsanayn, lamaanahaagu ma oggolaado, ama aad ayay qaali u tahay.