Mënyrat e marrjes së HIV

Dikush mund të infektohet me HIV nëpërmjet lëngjeve të trupit të personave që kanë tashmë HIV. HIV mund të transmetohet nëpërmjet:

• spermës;
• lëngut vaginal;
• gjakut;
• qumështit të gjirit.

Sperma, lëngu vaginal dhe gjaku i infektuar i ciklit menstrual mund të hyjnë në trupin tuaj nëpërmjet membranës mukoze të anusit, kokës së penisit, vaginës dhe të gojës.

Gjaku i infektuar mund të hyjë në trupin tuaj direkt nëse bashkëndani material injeksioni të përdorur ose nëpërmjet transfuzionit të gjakut. Transmetimi nëpërmjet transfuzionit të gjakut pothuajse nuk ndodh kurrë në Evropë, sepse gjaku testohet për HIV.

Së fundi, HIV mund të transmetohet nëpërmjet qumështit të gjirit gjatë ushqyerjes me gji.

HIV nuk mund të transmetohet nëpërmjet pështymës.

Dikush mund të marrë HIV nëpërmjet seksit dhe nëpërmjet mënyrave të tjera të transmetimit.

Transmetimi nëpërmjet seksit

• Nëpërmjet seksit vaginal ose seksit anal pa një prezervativ me dikë i cili ka HIV.
• Ka veç një rrezik shumë të ulët të merrni HIV nëpërmjet seksit oral (nëse spermë ose gjak nga një person me HIV futet në gojën tuaj dhe ju keni lëkurë të çarë atje).

Me trajtimin e duhur, një person që është HIV-pozitiv është pothuajse i paaftë që të transmetojë HIV kur bën seks pa prezervativ.

Transmetim në mënyra të tjera

• Nga nëna te fëmija gjatë shtatzënisë ose lindjes ose gjatë ushqyerjes me gji. Me trajtimin e duhur, gra me HIV mund të kenë fëmijë të shëndetshëm.
• Duke ndarë material të përdorur injeksioni me dikë me HIV.
• Nëpërmjet transfuzionit të gjakut. Kjo pothuajse nuk ndodh kurrë në Evropë, sepse gjaku testohet për HIV.

Nuk transmetohet nëpërmjet kontaktit social

Nuk mund të infektoheni me HIV nëpërmjet kontaktit social. Për shembull: duke ndarë një gotë ose pjatë me dikë, duke prekur dikë ose duke puthur ose duke i dhënë dikujt një puthje franceze.

Nuk është e mundur të dini nëse dikush ka HIV duke e parë atë.