Një martesë është bashkimi zyrtar midis 2 partnerëve. Që të jetë e ligjshme, martesa duhet të plotësojë disa kushte.
Disa njerëz martohen me dashuri, të tjerët martohen për arsye praktike, si p.sh., për përfitime financiare, pushtet, status ose për fëmijë. Martesa mund të organizohet ose të zhvillohet sepse të dy partnerët zgjedhin të martohen.
Martesa përfshin një angazhim nga të dy partnerët.
Njerëzit gjithashtu mund t'i japin fund një martese. Ky quhet divorc.
Martesa e rregulluar
Në një martesë të rregulluar, prindërit ose pjesëtarë të tjerë të familjes zgjedhin personin me të cilin fëmija i tyre ose të afërm të rinj do të martohen. Njëlloj burra dhe gra mund të martohen.
Të rinjtë e përfshirë, shpesh mund të vendosin nëse duan të martohen ose jo, por nuk ndodh gjithmonë kështu. Sipas ligjit në Evrope, ju nuk mund të martoheni me dikë të cilin nuk dëshironi të martoheni. Martesa e detyruar ndalohet me ligj. Çdokush ka të drejtën të zgjedhë një partner. Nëse ju nuk doni të martoheni me partnerin i cili është zgjedhur për ju, flisni për këtë me dikë që ju mund ta besoni ose kërkoni ndihmë profesionale.
Martesa e përzierë dhe migrimi i martesës
Një martesë e përzier është një martesë mes 2 personave me prejardhje të ndryshme kulturore, etnike apo fetare.
Migrimi i martesës do të thotë se një nga partnerët lëviz në vendin ku partneri tjetër jeton.
Martesa me të njëjtin seks
Në vende të ndryshme evropiane, njerëzit në një marrëdhënie homoseksuale (të të njëjtitseks) gjithashtu mund të martohen ose të hyjnë në një partneritet të regjistruar ligjërisht.