Unaza vaginale është një metodë kontracepsioni.
Unaza vaginale është një unazë e hollë, elastike e bërë prej plastike. Përmban 2 hormonet që ka edhe pilula kontraceptive.
Këto hormone parandalojnë ovulacionin. Ato ua bëjnë gjithashtu më të vështirë spermatozoideve që të arrijnë membranën mukoze të qafës së mitrës Kështu spermatozoidet do ta kenë të vështirë të arrijnë mitrën, ku ndodhet vezëza. Hormonet ndërhyjnë gjithashtu në implantimin e një vezëze.
Si të përdoret një unazë vaginale
Përdorni një unazë vaginale si vijon:
- Shtypni unazën.
- Futni unazën thellë në vaginë. Mund të futni unazën nga pozicione të ndryshme, për shembull, duke qëndruar me 1 këmbë lart, shtrirë ose galiç.
- Vendosni 1 gisht brenda vaginës dhe shtyni unazën thellë në vaginë. Unaza duhet të qëndrojë pa shkaktuar bezdisje. Pozicioni i saktë në vaginë nuk është i rëndësishëm.
- Unaza qëndron në vend kur kryeni marrëdhënie seksuale. Ju mund ta hiqni unazën vaginale gjatë marrëdhënies seksuale, por ju duhet ta fusni përsëri atë pas 3 orësh.
- Për ta hequr unazën, vendoseni gishtin brenda vaginës tuaj dhe kalojeni si grep nëpër unazë. Nxirreni butësisht unazën jashtë.
- Përdoreni vazhdimisht unazën për 3 javë. Hiqni unazën në të njëjtën ditë të javës kur e futët (për shembull, të mërkurën). Më pas hidheni unazën në koshin e mbeturinave.
- Për 7 ditët në vazhdim (1 javë), ju s'do e përdorni unazën vaginale. Këtë javë, ju do filloni të keni gjakderdhje (cikël menstrual). Ju jeni gjithashtu e mbrojtur këtë javë.
- Pas 7 ditësh futni një unazë të re, edhe nëse keni ende gjakderdhje.
- Përsëritni hapat e mëparshëm.
I sigurt
Unaza vaginale është shumë e sigurt nëse përdoret siç duhet.
Unaza vaginale nuk është e sigurt ose është më pak e sigurt, nëse:
- Jeni duke marrë ilaçe të caktuara, si p.sh. lulen e balsamit. Tregojini mjekut tuaj nëse jeni duke përdorur unazën vaginale. Ai do ta marrë parasysh këtë kur t'ju shkruajë në recetë ilaçet.
- Nëse harroni ta futni unazën vaginale pas një ndërprerjeje 7-ditore ose nëse harroni ta ndryshoni unazën.
- Humbisni unazën vaginale gjatë marrëdhënies seksuale dhe nuk e futni përsëri pas 3 orësh.
Unaza vaginale mund të përdoret deri në 4 muaj nga dita që e bletë në farmaci.
Nuk e dëmton shëndetin tuaj
Unaza vaginale përmban hormone. Zakonisht, këto hormone nuk ndikojnë në shëndetin tuaj të përgjithshëm. Por, në disa raste është më mirë të zgjidhni një metodë tjetër kontracepsioni. Pyetni mjekun e përgjithshëm për këshilla.
Unaza vaginale nuk ju bën më pak pjellore. Nëse dëshironi të ngelni shtatzënë, thjesht hiqni unazën vaginale.
Gjatë muajit të parë të përdorimit të unazës vaginale, mund të keni efekte anësore si dhimbje koke, infeksione vaginale dhe të përziera. Zakonisht, këto efekte zhduken në mënyrë spontane. Nëse nuk zhduken, konsultohuni me një mjek.
Cikli juaj menstrual shpesh bëhet më pak i rëndë dhe më pak i dhimbshëm.
Nuk ofron mbrojtje nga IST-të dhe virusi HIV
Unaza vaginale nuk mbron nga IST-të ose HIV. Vetëm një prezervativ mund t'ju mbrojë.
Blerja e unazës vaginale
Ju duhet një recetë nga një mjek i përgjithshëm ose mami për të blerë unazën vaginale. Pa recetë, s'mund ta blini unazën vaginale. Unazën vaginale mund ta blini vetëm në farmaci.
Deri në moshën 21 vjeç, shumica e formave të kontracepsionit rimbursohen nga sigurimi juaj shëndetësor. Por, në fillim duhet të paguani tepricën (eigen risico) e policës së sigurimit tuaj shëndetësor. Pyetni ofruesin e sigurimit tuaj shëndetësor për të mësuar shumën që do të rimbursohet. Nga mosha 21 vjeç, kontracepsioni rimbursohet vetëm nëse keni marrë një sigurim shtesë për kontracepsionin.