ጾታዊ ርክብ፡ ኣልኮልላዊ መስተን ዕጸ-ፋርስን

ጾታዊ ርክብ ን ኣልኮላዊ መስተን

ቅድሚ ጾታዊ-ርክብ ምግባርኩም ምስታይ እውን ኣሉታዊ ጽልዋታት ኣለዎ። ብዙሕ እንተሰቲኻ እቶም ጽልዋታት እውን ብኡ መጠን እናኸበዱ ይኸዱ:

• ነፍስኻ ብግቡእ ናይ ምቁጽጻር ክእለትኩም ትሑት ስለዝኸውን ክትገብርኡዎም ዘይትደልዩ ወይ ከኣ ዘይተሰማማዕኩምሎም ነገራት ክትገብሩ ትኽእሉ።
• ኣብ ጥርዚ ስምዒት ክትበጽሕ ነዊሕ ግዜ ይወስደልካ ከምኡድማ ርውየተ-ወሲብካ ድኹም ይኸውን።
• ናይ ጾታዊ-ርክብ ድሌትኩም ከምኡ ድማ ውትራንኩም እውን ክንኪ ይኽእል። እዚ መብዛሕትኡ ግዜ ኣብ ደቂ-ኣነስትዮ እዩ ዝረአ።
• ደቂ-ተባዕትዮ መትሎኦም ከቕንዑ ይኸብዶም። ሳሕቲ ከኣ ምቕናዕ ይኣብዮም።
• ን ስግኣተ-ሓደጋ ብጾታዊ-ርክብ ዝመሓላለፉ ረኽሲታት ከምኡ ድማ ኤች.ኣይ.ቪ ወይ ከኣ ዘይተደልየ ጥንሲ እትህቡዎ ጠመተ ይንኪ። ዘይውሑስ ጾታዊ-ርክብ ክትፍጽም ትኽእል።

ኣልኮላዊ መስተ፡ ዕጸ-ፋርስን ጽግያትን

ዕጸ-ፋርሳት ብቐጻሊ እንድሕር ትጥቀሙ ወይ ከኣ ኣልኮላዊ መስተ ንነዊሕ እዋን እንድሕር ትሰትዩ ኮንኩም፡ ጽግያትኩም ክንኪ ይኽእል እዩ።

ኣልኮልላዊ መስተን ዕጸ-ፋርስን ኣብ ጽግያት፡ ጥንሲን ምዕባለ ዘይተወልደ ዕሸልን ጽልዋ ከስዕቡ ይኽእሉ እዮም። ንዚያዳ ሓበሬታ፡ ኣብ መርበብ ሓበሬታ Jellinek ክትውከሱ ትኽእሉ ኢኹም (እዚ መርበብ ሓበሬታ ብቛንቋታት ሆላንድ፡ እንግሊሽ፡ ቱርኪን ዓረብን ዝተዳለወ እዩ)።