ናብ’ዞም ስዕቡ ምትርጓም፡-
ምስ መጻምድትኻ ምዝርራብ
ነፍሲ-ወከፍ ሰብ በበይኑ ትጽቢታትን ትምንቲታትን ኣለዎ ከምኡ ድማ ነፍሲ-ወከፍ ወሲባዊ ርክብ ዝተፈላለየ እዩ። ይኹን እምበር፡ ኣብ ነፍሲ-ወከፍ ወሲባዊ ርክብ ክልተኦም መጻምድቲ ስምዒታቶም፡ ትምኒታቶምን ሓሳባቶምን ክገልጹ ኣገዳሲ እዩ። ዋላኳ ኣብ ወሲብኣዊ ርክብኩም ጸገማት እንተሃለዉ ወይ ከኣ ኣብ ጾታዊ ህይወቶም ጸገማት እንተሃለዉ ፡ ክዘራረቡ ክፍትኑ ክኽእሉ ኣለዎም።
መጻምዲ እናተዘራረቡ
ንሓድሕድኩም እንታይ ትዘራረቡ
ንመጻምድትኹም እንታይ ከምዝስመዓኩም ምርኣይ ንሓድሕድኩም ምዝርራብ ክትጅምሩ ክሕግዘኩም ይኽእል እዩ። ምስ መጻምድትኹም ብዛዕባ ብዙሕ ነገራት ክትዘራረቡ ትኽእሉ ኢኹም። ንኣብነት-፦
- ናይ መጻኢ ሕልሚታትኩምን መደባትኩምን;
- ክተሰላስሉዎም እትደልዩዎም ንጥፈታት;
- ብዛዕባ መጻምድትኹም እትፈትውዎ ነገራት;
- ብዛዕባ ቆልዑት ምውላድን ዘይምውላድን;
- ድሌታትኩም፡ ሕልሚታትኩምን ስምዒታትኩምን: ኣብ ናይ ጾታዊ ህይወትኩም እትፍትውዎን ዘይትፈትዉዎን ነገራት እንታይ ምዃኑ፡ ሜላታት፡ ቅንኢ ወዘተ;
- ብዛዕባ ፍርሒታትኩምን ስክፍታኹምን: ኣብ ወሲባዊ ርክብኩም ዘይትደልዩዎም ነገራትደረታትኩም;
- ውሑስ ጾታዊ ርክብ: ምጥቃም ኮንዶም ን ካልኦት መከላኸሊ ጥንሲን።
መጻምድቲ ኣብ ዓራቶም ይኖም ብዛዕባ መከላኸሊ ጥንሲ እናተዘራረቡ
ንሓድሕድኩም ከመይ ትዘራረቡ
ምስ መጻምድትኹም ብዛዕባ ወሲባዊ ርክብ ወይ ከኣ ብዛዕባ እትገብሩዎ ጾታዊ-ርክብ ክትዛረቡ እንተደሊኹም:
- ክትዛረቡ እኹል ግዜ እትረኽብሉ ግዜ ምረጹ;
- ንሓድሕድኩም ንዘይምንቕቓፍ ፈትኑ;
- ዘይምርድዳእ ንምውጋድ ንጹር ሓሳብ ኣቕርቡ (ኣብ ዝርዝር ጠመተ ግበሩ);
- ንመጻምድትኹም ክብሪ ሃቡ;
- ብዛዕባ ናይ ባዕልኹም ስምዒታትን ትምኒታትን ከምኡ ድማ ንነገራት ዘለኩም መረዳእታ ተዛረቡ።
ብዛዕባ ሚስጢራዊ ነገራት ምስ መጻምድትኹም ምዝራብ ከቢድ እዩ። ምስ መጻምድትኹም ምዝራብ ዝኸብደኩም እንተኾይኑ፡ ንካልእ እትኣምንዎ ሰብ ኣማኽሩ ወይ ከኣ ሞያዊ ሓገዝ ሕተቱ።