ናይ ኤችኣይቪ ሕክምና
ኣፋውስካ ኩሉመዓለክቲ ብግቡእ እንድሕር ተወስድ ኮንካ፣ ንቡር ህይወት ክትመርሕን ክንዲቲ ኤችኣይቪ ዘይብሎም ሰባት ዝነብሩዎ ዕድመ ክትነብርን ትኽእል ኢኻ።
ኣፋውስካ እቲ ናይ ኤችኣይቪ ማዕዳ ወሃቢ ብዝኣዘዘልካ መሰረት ውሰድ። ብዛዕባ እቶም ንዓኻ ዝሓሹ ክኾኑልካ ዝኽእሉ ኣፋውስ ምስ ናይ ኤችኣይቸቪ ማዕዳ ዋሃቢ ተዘራረብ።
እንድሕር ዘይተሓኪምካ፣ ብዘይውሑስ ስጋዊ-ርክብ ወይከኣ ብደምካ ናብ ካልኦት ሰባትከተሕልፎ ትኽእል ኢኻ። ኣብ እዋን ጥንሲ ወይ ሕርሲ ወይከኣ ኣብ እዋንጡብ ምጥባው ናብ ቆልዓኺ ከተሕልፊሉ ትኽእሊ ኢኺ። ግቡእ ሕክምና እንተተጌሩላ፣ ኤችኣይቪ ዘለዋ ሰበይቲ ከም ዓለማ ካብ ኤችኣይቪ ናጻ ዝኾነ ቆልዓ ክትወልድ ትኽእል እያ።
ጥዕናኡ ዝተሓለወ መነባብሮ
ጥዕናኻ ሓሉ:
- ጥዕናኡ ዝተሓለወ መግቢ ውሰድ። እዚ ብሕማም ከይትጥቃዕ ይሕግዘካ።
- ንጥፈታት ግበር።
- ሽጋራ፣ ዕጸፋርስን ኣልኮልን ኣይትውሰድ።
- ለይቲ እኹል ዕረፍቲ ውሰድ። ጭንቀት ክንክየልካ እዩ።
ማሕበራዊ ምትንኻፍ
ብማሕበራዊ ምትንኻፍ ናብ ካልእ ሰብ ከተመሓላልፍ ኣይትኽእልን። ንኣብነት, ብርጭቆ ወይ ሸሓነ ምስ ካልእ ሰብ ብሓባር ብምጥቃም ወይ ንሰባት ብምትንካፍ ወይ ብምስዓም ወይከኣ ብፍረንች ኪስ ከይመሓላለፈካ ክትፈርሕ የብልካን።
ድሕሪ ሕጂ ናይ ረኽሲ ስግኣተ-ሓደጋ ኣኽቲሙ ኣሎ
ኣፋውስካ ኩሉ መዓልቲ ብግቡእ እንተወሲድካ፣ ኣብ ደምካ ዝርከብ መጠን በዝሒ ኤችኣይቪ (ጻዕቂ ቫይረስ) ይንኪ። ድሕሪ ቁሩብ ኣዋርሕ፣ እቲ ቫይረስ ሕጂውን ኣብ ሰውነትካ ዋላኳ እንተሃለወ ኣሰሩ ክርከብ ኣይኽእልን። ሽዑ ንስኻ ናብ ካልእ ሰብ ኤችኣይቪ እተመሓላልፈሉ ስግኣተ-ሓደጋ ዳርጋ ሙሉእብሙሉእ የኽትም።
እዞም ዝስዕቡ ረቛሒታት እንድሕር ከተማልኢ ክኢልኪ ኤችኣይቪ ምስ ዘይብሉ ቀዋሚ መጻምድቲኺ ብዘይ ኮንዶም ወሲብ (ቀዋሚ ዝምድና) ክትፍጽሚ ትኽእሊ ኢኺ፥
- ናይ ኤችኣይቪ ኣፋውስ መዓልታዊ ብግቡእ ትወስድ እንተኾንካ፣ ከምኡድማ
- ኣብተን ዝሓለፋ 6 ኣዋርሕ ኣብ ደምካ ዘሎ መጠን ኤችኣይቪ ኣሰሩ ክርከብ ዘይኽእል እንተኾይኑ፣ ከምኡድማ
- ጻዕቂ ቫይረስካ ካብ ዝምርመር 6 ወርሒ ዘይገበርካ እንተኾንካ;
- ንስኻን መጻምድትኻን ካልእ ብስጋዊ-ርክብ ዝመሓላለፍ ረኽሲ እንድሕር ዘይብልካ ከምኡድማ እቲ ኣብ ኣፍካ፣ ማሃንቱስካ፣ መትሎ ፣ ወይከኣ ርሕሚ ዝርከብ ዕንጓር መሰል ፈሳሲ እንድሕር ዘይተበላሽዩ።
ብዘይ ኮንዶም ስጋዊ-ርክብ ክትገብር እንተደሊኻ ምስቲ ናይ ኤችኣይቪ ማዕዳ ወሃቢን ምስ መጻምድትኻን ተዘራረብ።
ኤችኣይቪ ከምዘለካ ንሰብ ምንጋር
ምስ ኤችኣይቪ ምንባር ኩሉግዜ ቀሊል ኣይኮነን። ብዛዕባ ኤችኣይቪ ምስ ሰባት ምዝርራብ ክጠቕመካ ይኽእል እዩ። ኤችኣይቪ ከምዘለካ ንሰባት ናይ ምንጋር ግቡእ የብልካን።
