T’i thuash dikujt se keni HIV

Jetesa me HIV nuk është gjithmonë e lehtë. Në kohëra të vështira, mund të jetë lehtësim të flisni me dikë rreth tij.
T’u thuash njerëzve se keni HIVHIVNjë virus (virusi i pamjaftueshmërisë imunitare njerëzore) që ndikon në sistemin imunitar natyror.…Lexoni më shumë mund të ketë efekte pozitive. Njerëzit të cilët e dinë do ju kuptojnë më mirë dhe mund t’ju japin mbështetje më të mirë.

Kur ju flisni rreth statusit tuaj HIV

Flisni rreth HIV kur të jeni gati dhe të ndjeni nevojën të flisni rreth tij. Shumë njerëz ndjejnë nevojën të flasin kur:

• Sapo kanë marrë vesh që kanë HIV.
• Duhet të fillojnë të marrin mjekime.
• Fillojnë një marrëdhënie të re.
• Presioni i jetesës me një sekret bëhet shumë tepër për t’u përballuar.

Zgjidhni momentin më të përshtatshëm për ju.

Jini të përgatitur

Jini të përgatitur kur i thoni dikujt, pasi do t’ju bëjë pyetje.

• Përpiquni të zbuloni se çfarë ju shqetëson dhe çfarë ju bën të pasigurt.
• Shpjegoni se çfarë po kaloni sa më saktë që të jetë e mundur.
• Mendoni për atë që doni të arrini duke ia thënë dikujt.
• Mos prisni një përgjigje ose reagim të menjëhershëm nga personi të cilit po ia tregoni.

Flisni me njerëz që i besoni dhe që mund t’ju ndihmojnë.

Shumë njerëz nuk dinë shumë rreth HIV-it ose kanë paragjykime. Ata mund të reagojnë në një mënyrë të çuditshme ose negative. Ky nuk është faji juaj. Mund të provoni t’u jepni informacion të saktë për HIV-in.

Statusi juaj i HIV-it dhe ligjiLigjiRregulla që vendosin se çfarë mund të bësh dhe çfarë jo. Çdo vend…Lexoni më shumë

Nuk jeni të detyruar t’i tregoni dikujt për statusin tuaj të HIV. Për shembull, as të tjerëve në punë ose në klubin tuaj sportiv.

Mund të jetë e rëndësishme t’u thoni profesionistëve të shëndetit se ju keni HIV. Ata do të jenë në gjendje të ofrojnë kujdesin më të mirë për shëndetin tuaj vetëm nëse janë në dijeni të infeksionit tuaj. Ju mund të flisni lirisht me një profesionist të shëndetit. Ata nuk mund t’i japin asnjë informacion për ju askujt tjetër. Ata janë të detyruar me ligj të respektojnë privatësinë tuaj. Ata nuk do t’ju gjykojnë.

Njerëzit nuk lejohen t’ju paragjykojnë ngaqë keni HIV.