ናብ’ዞም ስዕቡ ምትርጓም፡-

ጾታዊ ርክብ ኣብ እዋን ጥንሲ

ኣብ እዋን ጥንሲኺ ጾታዊ-ርክብ ክትገብሪ ትኽእሊ ኢኺ።

ገለ ደቂ-ኣንስትዮ ምስ ጠነሳ ናይ ጾታዊ-ርክብ ድሌተን ዚያዳ ይውስኽ፡ ገሌአን ከኣ ድሌተን ይንኪ:

ኣብተን ናይ መጀመርያ ኣዋርሕ ጥንሲ፡ ብዙሓት ደቂ-ኣንስትዮ ጾታዊ-ርክብ ናይ ምፍጻም ትሑት ድሌት ኣለወን: ምዕውልዋል፡ ድኻም ከም ድማ ናይ ኣጥባት ቃንዛ ይስምዐን። ብዙሓት መጻምድቲ እውን ብዛዕባ መጻኢኦም ይጭነቑን ኣብዚ ግዜ እዚ ጸቕጢ ይስምዖምን።
ይኹን እምበር፡ ርሕሚ፡ ጉድበ ከምኡ ድማ ኣፍ ኣጥባት ዚያዳ ተኣፈፍቲ ይኸውን። ገለ ደቂ-ኣንስትዮ ቀቀልጢፈን ጾታዊ-ርክብ ክገብራ ደስ ይብለን።
ንገለ ደቂ-ኣንስትዮ ከኣ ኣብ እዋን ጥንሲ ጾታዊ-ርክብ ምግባር ኣዝዩ የቐንዝወን።

ገለ ደቂ-ተባዕትዮ ነቲ ዘይተወልደ ዕሸል ከይጎድኡዎ ፍርሒ ስለዝህልዎም እብ እዋን ጥንሲ ምስ መጻምድቶም ጾታዊ-ርክብ ክገብሩ ይኸብዶም እዩ።

ኣብ ልዕሊ እቲ ዘይተወልደ ዕሸል ዝፈጥሮ ጉድኣት የለን

ግብረስጋ ነቲ ዘይተወልደ ዕሸል ሓደገኛ ኣይኰነን። እቲ ማህጸን ነቲ ዘይተወልደ ዕሸል ይከላኸለሉ እዩ። እቲ ኣፍ ማህጸን (ክሳድ ማህጸን) ዕጹው እዩ። ናይ ዘርኢ ፈሳሲ ናብቲ ማህጸን ክኣቱ ኣይክእልን እዩ።

ጥንሲ ናይ ምኻድ ስግኣተ-ሓደጋ የብሉን፡ ግን መሕረሲትኪ ወይ ከኣ ናይ ማህጸን ሓኪምኪ ጾታዊ-ርክብ ከይትገብሪ እንድሕር መኺሩኪ ክትገብሪ የብልኪን።

ጾታዊ ርክብ ልዕሊ መትሎ ናብ ርሕሚ ምእታው እዩ እተፈላለዩ ዓይነታት ጾታዊ-ርክብ ኣለዉ። ምስ መጻምድትኺ ግብረ-ሕቡእ ክትገብሩ፡ ክትደራረዙ፡ ማሳጅ ክትገባበሩ፡ክትተሓቛቖፉ ወይ ከኣ ናይ ኣፍ ጾታዊ-ርክብ ክትገብሩ ትኽእሉ ኢኹም።

ጠጠው ዝበለት ጥንስቲ ሰበይቲ። እቲ ዘይተወልደ ዕሸል ኣብ ውሽጢ ማህጸን ኣሎ እቲ ጠመተ ከኣ ኣብ ውሽጣዊ ጾታዊ ናውቲ ኣካላት ኣሎ።

ዝርዝራት ውሽጣዊ ጾታዊ ናውቲ ኣካላት ጥንስቲ ሰበይቲ። እቲ ዘይተወልደ ዕሸል ኣብ ውሽጢ ማህጸን እዩ ዘሎ። እቲ መትሎ ናብ ርሕሚ ይኣቱ ኣሎ ኣብ ማህጸን ግን ክበጽሕ ኣይክእልን።

ዚያዳ ምቹኣት ዝኾኑን ቃንዛ ዝንክዩን እተፈላለዩ ናይ ጾታዊ-ርክብ ኣቋውማታት ክትፍትኑ ትኽእሉ ኢኹም።

ጾታዊ-ርክብ ኣብ እዋን ጥንሲ ኣብነት ቊጽሪ 1: እታ ጓለንስተይቲ ኣብ ልዕሊ እቲ ወዲ-ተባዕታይ ኮፍ ኢላ ኣላ።

ጾታዊ ርክብ ኣብ እዋን ጥንሲ ኣብነት ቊጽሪ 2: እቲ ወዲ-ተባዕታይን እታ ጓለንስተይቲን ብጎድኖም ደቂሶም ዘለዉ ኮይኖም፡ እቲ ወዲ-ተባዕታይ ብድሕሪ’ታ ጓለንስተይቲ ኣሎ።

ጾታዊ ርክብ ኣብ እዋን ጥንሲ ኣብነት ቊጽሪ 3: እታ ጓለንስተይቲ ተጎምቢሓ ኣላ። እቲ ሰብኣይ ብድሕሪኣ ብኣብራኹ ተንበርኪኹ።

ኮንዶም ብምጥቃም ብጾታዊ-ርክብ ንዝመሓላለፉ ረኽሲታት ተኸላኸሉ። ነቲ ዘይተወልደ ዕሸልኪ ብጾታዊ-ርክብ ዝመሓላለፍ ረኽሲ ከተሕልፍሉ ትኽእሊ ኢኺ። እዚ ኣብቲ ቈልዓ ሳዕቤናት ክህሉዎ ይኽእል እዩ።

ኮንዶም