ጾታዊ-ርክብ እንታይ እዩ?

ጾታዊ ርክብ ብዛዕባ ቅኑዕ ሜላታት ጥራይ ኣይኮነን። ናይቲ ካልእ ሰብ ስምዒታትን ድሌታትን ኣብ ግምት ምእታው፡ ጥቡቕ ምቅርራብ ምምዕባልን ምቹእ ሃዋህው ምፍጣርን እውን አገዳሲ እዩ።

ፈተነታት ብምግባር ንስኻን ምጻምድትኻን ዝበለጸ እትፈትውዎ እንታይ ከምዝኾነ ፍለጥ። ብዛዕባ ድሌታትኩምን ስምዒታትኩምን ምስ መጻምድትኽም ተዘራረቡ። ባዕልኻ እውን ፈተነታት ክትገብር ትኽእል ኢኻ።

ጾታዊ ርክብ ኩሉ ግዜ ዝተፈልየ ክኸውን ይኽእል እዩ።

ናይ ሰባት ወሲባዊ ህይወት ኣብ መዋእሎም ክቀያየር ይኽእል እዩ። ንኣብነት: ኣካላቶም ወይ ከኣ ጾታዊ ድሌቶም ስለዝቀያየር። እዚ ንቡር እዩ። ገለ ሰባት ንሓጺር ወይ ከኣ ንነዊሕ ጊዜ ጾታዊ-ርክብ ከይፈጸሙ ክጸንሑ ይኽእሉ።

እተፈላለዩ ዕርክነታትን ናይ ጾታዊ-ርክብ ህይወታትን

ሰባት ብዙሓት እተፈላለዩ ዓይነታት ዕርክነታት ከምኡ ድማ ናይ ጾታዊ-ርክብ ህይወታትን ኣለዉዎም። ንኣብነት: ገለ ሰባት መርዓ ቅድሚ ምግባሮም ጾታዊ-ርክብ ይፍጽሙ፡ ካልኦት ከኣ ክሳዕ ዝምርዓዉ ይጽበዩ። ገለ ሰባት 1 መጻምድቲመጻምድቲምሳኻ ኣብ ዝምድና ዘሎ ሰብ።ብዙሕ ምንባብ ጥራይ ኣለዎም፡ ካልኦት ከኣ ብዙሓት መጻምድቲ ኣለዉዎም።

ተመሳሳሊ ጾታጾታጾታ ብዛዕባ ተራን ትጽቢታትን ዝምልከት ኰይኑ፡ ንሕና ከም ሕብረተሰብ ድማ ደቂ-ኣንስትዮን ደቂ-ተባዕትዮን ዝሓቘፍና…ብዙሕ ምንባብ ዘለዎም ሰባት እውን ነንባዕሎም ጾታዊ-ርክብ ክፍጽሙ ይኽእሉ እዮም (ግብረ-ሰዶማዊነት)።

ወሲባዊ ስምምዕ

ጾታዊ-ርክብ ኣብ እትገብረሉ እዋን ኩሉ ግዜ ድሌት ክህልወካን ድልው ክትከውንን ኣለካ። ሓበራዊ ስምምዕ ክንብል እንከለና እቶም ሰባት ክልቲኦም ጾታዊ-ርክብ ንምግባር ድሌት ክህልዎም ይግባእ ማለት እዩ። ክልቲኦም ሰባት ኣብ ዝኾነ ህሞት ከቋርጹ ክውስኑ ይኽእሉ እዮም።

ዝዀነ ሰብ ጾታዊ-ርክብ ክትፍጽም ከገድደካ ኣይትፍቀድ።

ኣብ ኔዘርላንድስ፡ ናይ ጾታዊ-ርክብ ምትንኻፍ ክትገብር እትኽእለሉ ዝተሓተ ሕጋዊ ዕድመ 16 ዓመት እዩ። ኣብ ልዕሊ ንኣሽቱ ሰባት ወሲባዊ መጥቃዕቲ ከይፍጸም ዝሕሉ ሕጊሕጊእንታይ ክትገብር ከም ዝለካን እንታይ ክትገብር ከም ዘይብልካን ዝነግረካ መመርሒ። ነፍሲወከድ ሃገር እተፈላለየ…ብዙሕ ምንባብ ኣብ ቦትኡ ኣሎ። ክልቲኦም ንኣሽቱ ሰባት እንድሕር ተሰማሚዖም እሞ ናይ ዕድመ ኣፈላላዮም ኣዝዩ ገፊሕ እንተዘይኮይኑ፡ ሳሕቲ ንመቕጻዕቲ ከቃልዖም ይኽእል። ኣብ ኔዘርላንድስ ብዘይወለንታኻ ዝግበር ጾታዊ-ርክብ ብሕጊ የቕጽዕ እዩ፡ ዋላ ሓይሊ ኣይትጠቐም።