Daryeelida muddada uurka

Wax cunidda

Dareenka u soo jeedi waxa aad cunto.

• Wax u cun si caafimaad leh: khudrad badan, khuddaar iyo xubuub (baradhada iyo rootiga) iyo waxyaabaha caanaha ka yimaada (caano iyo jiis);
• Wax badan oo qayb yaryar ah cun maalintiiba beddelka dhowr cunto oo wayn (way fududahay in la dheefshiido);

  Cuntada qaar, carrada, qanshin ayaa waxaa ku jiri karaa jeermisyo khatarKhatarSuuragal ahaanshahashay aan farxad lahayn inuu dhici karo, yusale cudur.Akhri wax badan ku ah ilmaha caloosha ku jira (khatarta caabuga ee leh sumowga cuntada):

• Ha cunin ukunta qaydhin;
• Ha cunin hilib qydhin ama kalluun uumi lagu bisleeyay;
• Ha cunin hilib qaydhin ama hilib si dhex dhexaad ah loo bisleeyay. Dhaq gacmahaaga ka dib karista hilibka qaydhin;
• Cun jiista oo cab caanaha laga iibsado subarmaarkadka (may caanaha aan ala karin);
• U dhaq khudrada iyo khudaarta si wanaagsan;
• Xidho galoofyo haddii aad ka shaqayso beerta ama nadiifi sanduuqa bisada la seexiyo. Ka dib gacmahaaga dhaq.

Cabbitaanka

• Cab biyo kugu filan (1,5 ilaa 2 litir maalin kasta). 
• Ha cabbin bun badan, shaah ama kookaha.
• Ha cabbin khamro.

Dawooyinka, dawada iyo faytamiinada

• Ha qaadanin wax daawo ah iyadda aanad weydinin umulisdaada, dhakhtarka haweenka ama dhakhtarka guud.
• Sigaar ha cabbin.
• Ha qaadan maandooriye.
• Qaado fitiniimada la dhaho “folic acid” inta lagu jiro 3 bilood ee ugu horeysa. Waydii ummulisadaada ama dhakhtarka haweenka iyadda. Waxaad bilaabi kartaa qaadashada marka aad qorshayso inaad uuraysato. Waxaad ka iibsan xaga farmasiga ama farmasiile.

Jimicsiga iyo nolosha dibada guriga

• Noqo qof firfircoon: soco, baaskiil kaxee, dabaalo, iwm.

• Naso marka aad daasho.

• Ka joog qorraxda.