ጾታዊ ዝምድናታትን ጾታዊ ርክብን ድሕሪ ሕርሲ

ወላዲ ምዃን ነቲ ምስ መጻምድቲኻ ዘለካ ዝምድና ቕይሮ ይኽእል እዩ። ወላዲ ክትከውን ምኽኣል እናተምሃርካዮ እትኸይድ መስርሕ እዩ።

ዝበዝሕ ጠመተኻ ናብቲ ቆልዓ ስለዝኸውን እኹል ድቃስ ኣይትድቅስን። ክልቴኹም ምስቲ ሓድሽ ኩነታት እትለማመዱሉን ነገራት እተመዓራርዩሉን ግዜ መድቡ። ንሓድሕድኩም ዝኸውን ግዜ እውን መድቡ። ምስ መጻምድትኻ እውን ብዛዕባ ክህሉወኩም ዝግባእ ናይ ስራሕ ክፍፍል ከምኡ ድማ ብዛዕባ ክልቴኹም እትደልዩዎ ነገራት ተዘራረቡ።

ናይ ጾታዊ ርክብ ህይወት

ካብ ቃንዛ ናጻ ክሳብ እትኾኒ ካብ ጾታዊ ርክብ እንተረሓቕኪ ዝበለጸ እዩ። ድሕሪ ሕርሲ ኣብ ዘለዋ ናይ መጀመርያ ሰሙናት፡ ናይታ ጓለንስተይቲ ኣካላት ገና ናብቲ ዝነበሮ ደረጃ ክምለስ የድሊ። ንነገራት ቀስ ኣበልካ ምግባር። መጥባሕቲ ተገይሩልኪ ነይሩ ድዩ ወይ ከኣ እቲ ኣብ ሞንጎ ርሕሚኺ ከምኡ ድማ ማሃንቱስኪ (ፍንዶት) ዘሎ ቆርበት ኣብ እዋን ሕርሲ ተቐዲዱ ተሰፍዩልኪ ድዩ፧ ከምኡ እንተኾይኑ እቲ ቁስሊኺ ክሳዕ ምሉእ ብምሉእ ዝሓውየልኪ ካብ ጾታዊ-ርክብ እንተረሓቕኪ ይምረጽ። እቲ ሓኪም ማዕዳ ክህበኪ ይኽእል እዩ።

ድሕሪ ሕርሲ ንፈለማ እዋን ጾታዊ-ርክብ ክትገብሪ እንከለኺ ብጥንቃቐ ክኸውን ኣለዎ። ቀስ ኣቢልኩምን ኣለስሊስኩምን ኢኹም ክትገብሩዎ ዘለኩም።

ከም መጠን መጻምዲ ሓድሽ ሚዛን ህይወት ክትደልዩ ኣለኩም። ስእነት ድቃስ፡ ጭንቀትን ሻቕሎትን ነቲ ናይ ጾታዊ-ርክብ ህይወትካ ክጸልዉዎ ይኽእሉ እዮም:

ብዙሓት ደቂ-ኣንስትዮ ድኻም ይስመዐን፡ ርሕመን የቐንዝወን ወይ ይነቅጽ ከምኡ ድማ ኣጥባተን የቐንዝወን።
ኣካላት ናይታ ጓለንስተይቲ ብቐዋሚ ተቐይሩ ክኸውን ይኽእል እዩ። ዝተፈልየ ሚዛን ኣካላት ክህሉዋ፡ ኣብ ከብዳ ናይ ስምብራት ሕንጻጻት ክህሉዋ፡ ቅርጺ ናይ ከብዳን ኣጥባታን ድማ ክቕየር ይኽእል። ክልቴኹም ነዚ ክትለማመዱዎ ኣለኩም።
ደቂ-ኣንስትዮ ጸባ ጡብ ኣብ ዘጥቡዋሉ፡ ኣጥባተን ከቢድን ኣቐንዛውን ክኸውን ከምኡ ድማ ከጥቡዋ እንከለዋ ኣብ መንጎ ጸባ ከንጥባ ይኽእላ እየን።
ደቂ-ኣንስትዮ ጾታዊ-ርክብ ናይ ምግባር ስምዒት ኣይህልወንን (ትሑት ናይ ጾታዊ-ርክብ ድሌት)። እዚ ንቡር እዩ።
ደቂ-ተባዕትዮ እውን ንመጻምድቶም ከይጎድኡ ስለዝፈርሑ ደጊሞም ጾታዊ-ርክብ ምግባር ከኸብዶም ይኽእል እዩ።

ብዛዕባ ድሌታትኩምን ስምዒታትኩምን ምስ መጻምድኹም ተዘራረቡ። ንኽልተኹም ዝምችእ ናይ ጾታዊ-ርክብ ህይወት ክትፈጥሩን ነቲ ሓድሽ ኵነታት ህይወትኩም ክትገጥሙዎን ፈትኑ።

ፍቕራዊ ምቅርራብ

ጾታዊ ርክብ ማለት ልዕሊ’ቲ መትሎ ናብ ርሕሚ ምእታው እዩ። ምስ ቈልዓኺ ትተኣሳሰርሎም ዝተፈላለዩ መንገዲታት ኣለዉ። ከምኡ’ውን ምስ መጻምድኹም ግብረ-ሕቡእ ክትገብሩ፡ ክትደራረዙ፡ ማሳጅ ክትገብሩ፡ ክትተሓቛቖፉ፡ ወይ ከኣ ናይ ኣፍ ጾታዊ ርክብ ክትገብሩ ትኽእሉ ኢኹም።